नवी दिल्ली, ता. २८ (पीटीआय) ः महत्त्वाच्या आठ पायाभूत क्षेत्रांची वाढ फेब्रुवारी महिन्यात ६.७ टक्के मंदावल्याचे समोर आले आहे. खतनिर्मितीसारख्या काही क्षेत्रांतील खराब कामगिरीमुळे पायाभूत क्षेत्राच्या वाढीवर परिणाम झाल्याचे गुरुवारी (ता. २८) जाहीर झालेल्या आकडेवारीतून निष्पन्न झाले आहे. जानेवारी महिन्यापेक्षा ही वाढ जास्त असल्याचेही सांगण्यात येत आहे.

कोळसा, क्रूड ऑईल, नैसर्गिक वायू, रिफायनरी उत्पादने, खते, पोलाद, सिमेंट आणि वीज या मूलभूत क्षेत्रातील जानेवारी महिन्यात झालेली वाढ ही ४.१ टक्के इतकी होती. तीच फेब्रुवारी महिन्यात ७.४ टक्के नोंदवली गेली. एकत्रितपणे, या क्षेत्रांच्या उत्पादनातील वाढीचा दर एप्रिल-फेब्रुवारी २०२२-२३ मधील ८.२ टक्क्यांच्या तुलनेत या आर्थिक वर्षात एप्रिल-जानेवारीमध्ये ७.७ टक्क्यांवर घसरला. खताची उत्पादन वाढ नकारात्मक नोंदवली गेली. देशाच्या औद्योगिक उत्पादन निर्देशांकात आठ प्रमुख क्षेत्रांचा वाटा ४०.२७ टक्के आहे.