कळवा, ता. ४ (बातमीदार) : हद्दपारीची शिक्षा सुनावण्यात आलेल्या आरोपीने आदेशाचा भंग केल्याने त्याला अटक करण्यात आली आहे. कळवा पोलिसांनी ही कारवाई केली असून पुढील तपास पोलिस हवालदार पी. एम. जाधव करत आहेत.
अजित उर्फ टील्या मारुती सुडके हा कळवा पूर्व गोपाळराव नगर परिसरातील रहिवासी आहे. त्याच्यावर अनेक गुन्हे दाखल आहेत. त्यामुळे ठाणे पोलिस उपायुक्त परिमंडळ १ ठाणे, मुंबई शहर, पालघर, रायगड या महसुली हद्दीतून त्याला हद्दपार करण्याचे आदेश २९ जानेवारीला देण्यात आले होते; पण जाधव हा या आदेशाचे उल्लंघन करत असल्याचे आढळून आले. ३ एप्रिल रोजी सायंकाळी तो कळवा पूर्व भागातील गोपाळराव नगर परिसरात आढळून आला. त्यामुळे त्याला अटक करण्यात आली आहे.