Raigad Loksabha Political News : देशात होत असलेल्या लोकसभा निवडणुकीत ‘आपकी बार चारशे पार’ या उद्देशाने पंतप्रधान नरेंद्र मोदी यांचे हात बळकट करण्याकरीता कार्यकर्त्यांनी सज्ज होऊन महायुतीचे उमेदवार सुनील तटकरे यांना निवडून आणण्याची जबाबदारी आपली असल्याचे भाजप जिल्हा समन्वयक वैकुंठ पाटील यांनी सांगितले.

रायगड लोकसभा महायुतीचे उमेदवार सुनील तटकरे यांच्या नियोजनाबाबत भाजपची मोर्चेबांधणी बैठक नुकतीच वडखळ व हमरापूरमध्ये पार पडली. (Loksabha Election 2024)

यावेळी जिल्हा सरचिटणीस मिलिंद पाटील, पेण तालुकाध्यक्ष श्रीकांत पाटील, बाबुराव खेडेकर, जिते विभागप्रमुख वासुदेव म्हात्रे, मोहन नाईक, वासुदेव पाटील आदी पदाधिकारी उपस्थित होते. पेणच्या विकासासाठी सार्वजनिक बांधकाम मंत्री रवींद्र चव्हाण आणि उपमुख्यमंत्री देवेंद्र फडणवीस यांनी भरीव निधी दिला असून विकसित भारतासाठी मोदींच्या समर्थनार्थ हात बळकट व्हावेत, यामुळे भाजपच्या सर्व कार्यकर्त्यांनी आलेल्या आदेशाचे पालन करून महायुतीच्या उमेदवारांच्या पाठीशी ठामपणे उभे राहावे, असे आवाहन जिल्हा सरचिटणीस मिलिंद पाटील यांनी कार्यकर्त्यांना केले.