भाईंदर, ता. २२ (बातमीदार) : काशी मिरा भागात राहणाऱ्या एक ३२ वर्षीय महिलेला लग्नाचे प्रलोभन दाखवत तिच्यावर लैंगिक अत्याचार करणाऱ्या विरोधात काशी गाव पोलिस ठाण्यात गुन्हा दाखल करण्यात आला आहे. आरोपी हा पीडित महिला काम करत असलेल्या कार्यालयात वरिष्ठ पदावर काम करत होता. आरोपीने महिलेला लग्न करण्याचे प्रलोभन दाखवत तिच्याशी वारंवार शारीरिक संबंध ठेवले होते. मात्र आरोपीने लग्नाला विरोध केल्याने फसवणूक झाल्याचे लक्षात येताच पीडितेने काशी गाव पोलिस ठाण्यात शुक्रवारी (ता. १९) धाव घेत तक्रार दाखल केली. या तक्रारीच्या आधारे पोलिसांनी गुन्हा दाखल करत तपास सुरू केला आहे. याप्रकरणी अद्याप आरोपीला अटक करण्यात आलेली नाही.