महाड, ता.२४ (बातमीदार) : लोकसभेच्या दुसऱ्या टप्प्यातील मतदान ७ मे रोजी होत असून यामध्ये रायगड लोकसभा मतदारसंघाचा समावेश आहे. महाड येथे निवडणूक निरीक्षक संजीव कुमार झा यांनी भेट देत निवडणूक प्रक्रियेची तयारीची पाहणी करून कर्मचारी-अधिकाऱ्यांशी चर्चा केली.
महाड येथील भारतरत्न डॉक्टर बाबासाहेब आंबेडकर राष्ट्रीय स्मारक येथे निवडणूक प्रक्रिया संबंधित सर्व तयारी सुरू स्‍टाँग रूम तयार करण्यात आली आहे. इव्हीएम सीलिंगबाबत आढावा घेत संबंधित अधिकाऱ्यांना आवश्यक सूचना केल्‍या. यावेळी महाडचे प्रांताधिकारी डॉक्टर ज्ञानोबा बाणापुरे, तहसीलदार महेश शितोळे आदी उपस्थित होते. निवडणूक प्रक्रियेसंबंधी सर्व पूर्वतयारी काटेकोरपणे सुरू असून नियोजनबद्ध आणि पारदर्शक निवडणूक प्रक्रिया पार पाडण्यासाठी प्रशासन पूर्णपणे सज्ज असल्याचे बाणापुरे यांनी या वेळी सांगितले.

महाड ः डॉ. आंबेडकर स्मारक भवनात तयार केलेल्‍या स्‍टाँग रूमची निवडणूक निरीक्षक संजीवकुमार झा यांनी पाहणी केली.