कासा, ता. २५ (बातमीदार) : विवळवेढे येथे महालक्ष्मी देवीची यात्रा सुरू आहे. या यात्रेत दर्शनासाठी आलेला एक भाविक महामार्ग ओलांडत असताना अज्ञात वाहनाने ठोकर दिल्याने त्याचा जागीच मृत्यू झाल्याची घटना घडली आहे.

गुजरातमधील वलसाड येथील रमेश भाई जेस्टीस मेकवान (वय ४९) हे मंगळवारी (ता. २३) रात्री महामार्गावरील आवढणी फाट्याजवळ पायी महामार्ग ओलांडत होते. त्यावेळी मुंबई वाहिनीवर एका अज्ञात वाहनाने त्याला ठोकर दिल्याने अपघात घडला. या वेळी अज्ञात वाहनाचे टायर त्यांच्या डोक्यावरून गेल्याने जागीच मृत झाले. याबाबतीत कासा पोलिस ठाण्याचे निरीक्षक नामदेव बडगर यांनी घटनास्थळी भेट देऊन अज्ञात वाहनाच्या चालकाविरोधात गुन्हा दाखल केला आहे.