मालाड : मालाड येथे सेफ्टी टॅंकमध्ये पडून दोघा कामगारांचा मृत्यू झाला होता. त्यातील रघू सोळंकी यांच्यावर अंतिम संस्कार करण्यात आले आहेत. मात्र, जावेद शेख यांच्या कुटुंबीयांनी मात्र न्याय मिळेपर्यंत शव ताब्यात घेण्यास नकार दिला आहे.
रानीसती मार्ग पिंपरी पाडा येथे सुरू असलेल्या एका इमारतीच्या शौचालयाच्या टाकीत तिघे कामगार पडल्याची घटना बुधवारी (ता. २४) घडली होती. त्यातील रघू सोळंकी आणि जावेद शेख यांना मृत घोषित करण्यात आले. तर उपचार सुरू असलेल्या आकिब शेखची प्रकृती चिंताजनक आहे. या प्रकरणात पोलिसांनी एकाला अटक केली आहे. मात्र, विकसक आणि व्यवस्थापकांवर गुन्हा नोंदवण्याची मागणी होत आहे.