महाराष्ट्र दिनी राजकारण्यांची मांदियाळी  
मुंबई : संयुक्त महाराष्ट्राच्या आंदोलनात बलिदान देणाऱ्या हुतात्म्यांना अभिवादन करण्यासाठी महाराष्ट्र दिनानिमित्त विविध राजकीय पक्षांच्या नेत्यांनी फ्लोरा फाऊंटन परिसरातील हुतात्मा स्मारकाला भेट दिली. यामध्ये मुख्यमंत्री एकनाथ शिंदे, शिवसेना कार्याध्यक्ष उद्धव ठाकरे, महाराष्ट्र नवनिर्माण सेनेचे अध्यक्ष राज ठाकरे, शिवसेना युवासेना प्रमुख आमदार आदित्य ठाकरे, ईशान्य मुंबई महाविकास आघाडीचे उमेदवार संजय दिना पाटील, अरविंद सावंत, अनिल परब, सचिन अहिर, अनिल देसाई, माजी महापौर किशोरी पेडणेकर, दत्ता दळवी, शिवसेना आमदार रमेश कोरगावकर, सुनील राऊत, शिवसेना विभागप्रमुख सुरेश पाटील, तसेच इतर पदाधिकारी उपस्थित होते. पण या कार्यक्रमाला राज्याचे दोन्ही उपमुख्यमंत्री अनुपस्थित राहिले. उपमुख्यमंत्री देवेंद्र फडणवीस यांनी नागपूर येथे, तर अजित पवार यांनी पुणे येथे कार्यक्रमात हुतात्म्यांना आदरांजली वाहिली. मात्र, मुंबईतील दोन्ही उपमुख्यमंत्र्यांच्या अनुपस्थितीने चर्चांना उधाण आले.