जगद्‌गुरू शंकराचार्यांच्या हस्ते ‘शंकरालयम’वर महाकुंभाभिषेकम
बातमीदार
चेंबूर, ता. १ : प्रति शबरीमाला समजल्या जाणाऱ्या मुंबईतील ‘शंकरालयम’चा तिसरा जीर्णोद्धार महाकुंभाभिषेकम सोहळ्याला उत्साहात सुरुवात झाली. वेद मंत्रांच्या घोषात आणि होमकुंडाच्या पवित्र अग्नितून प्रज्वलित झालेल्या ऊर्जेत जगद्‌गुरू बदरी शंकराचार्यांनी तृतीय जीर्णोद्धार महाकुंभाभिषेकम केले.

चेंबूर येथे २००२ला शंकरालयम मंदिराची स्थापना करण्यात आली. दर १२ वर्षांनंतर मंदिरातील अयप्पाच्या मूर्तीला ऊर्जावान करावी लागले. २००२ आणि २०१४ मध्ये शंकरालयम येथे महाकुंभाभिषेकम सोहळा झाला. जगद्‌गुरुंच्याच हस्ते हा सोहळा पार पडला होता. महाकुंभाभिषेकम सोहळ्याचे धार्मिक विधी पुरोहित ब्रम्हश्री लक्ष्मीनारायणा सोमय्या आणि त्यांच्या सहकाऱ्यांनी पार पाडला. सोहळ्यानिमित्त मंदिरात भजन, कीर्तन, नामसंकीर्तन, सत्संग सामाजिक, सांस्कृतिक, आध्यात्मिक, सामूहिक प्रार्थना धार्मिक कार्यक्रमाचे आयोजन करण्यात आले होते. या ऐतिहासिक घटनेचे साक्षी होण्यासाठी हजारो भाविकांनी गर्दी केली होती. मुंबईतल्या चेंबूरमधील चार मजली शंकरालयम हे भाविकांसाठी अत्यंत महत्त्वाचे मंदिर आहे. ज्या भाविकांना केरळमधील अय्यपाच्या म्हणजेच शबरीमाला देवस्थानाला जाणे शक्य होत नाही ते भाविक चेंबूरच्या ‘शंकरालया’ला भेट देत असतात.

या सोहळ्यास भारताचे ॲटर्नी जनरल आर वेंकटरमणी, त्रावणकोर राजघराण्याच्या यूवराज्ञी आणि तिरुअनंतपुरमची महाराणी, श्रीमती थंब्रत्ती, भारताचे माजी शास्त्रीय सलागार डॉ. आर. चिदंबरम्, शापूरजी आणि पालनजीचे व्यवस्थापकीय संचालक शापूरजी यांच्यासह अनेक मान्यवर उपस्थित होते.