नाशिकमधून हेमंत गोडसे

मुंबई : राज्यात गेल्या महिनाभरापासून लक्ष लागलेल्या  नाशिकच्या जागेचा तिढा अखेर सुटला असून ही जागा मुख्यमंत्री एकनाथ शिंदे यांनी आपल्या पदरात पाडून घेतली. अजित पवार गटाचे नेते छगन भुजबळ यांच्या माघारीनंतर शिंदे गटाची वाट सुकर झाली होती. मात्र त्यानंतरही नाशिकचे विद्यमान खासदार हेमंत गोडसे यांचे नाव जाहीर होत नव्हते. आज अखेर शिंदे गटाने नाशिकची उमेदवारी हेमंत गोडसे यांच्या गळ्यात घातली आहे. नाशिक लोकसभेसाठी भाजप बरोबरच राष्ट्रवादी काँग्रेस आग्रही होता. आता नाशिकमध्ये हेमंत गोडसे विरुद्ध महाविकास आघाडीचे राजाभाऊ वाजे यांच्यात लढत रंगणार आहे. हेमंत गोडसे यांना ही उमेदवारी मिळवताना प्रचंड संघर्ष करावा लागला. गेली महिनाभर हेमंत गोडसे अक्षरशः वर्षा बंगल्यावर तळ ठोकून होते.