सेंट टेरेसा शाळेत महाराष्ट्र दिन
मालाड, ता. १ (बातमीदार) ः वांद्रे पश्‍चिमेतील सेंट टेरेसा बॉईज हायस्कूलमध्ये बुधवारी (ता.१) महाराष्ट्र दिन मोठ्या उत्साहात साजरा करण्यात आला. शाळेचे मुख्याध्यापक फादर निकी यांच्या हस्ते ध्वजारोहण करण्यात आले. मुख्य कार्यकारी अधिकारी फादर शीनोय, उपमुख्याध्यापिका रोझ लोबो आदींची उपस्‍थिती होती. पर्यवेक्षक फिलीप रॉड्रिग्ज यांनी महाराष्ट्र कसा उदयाला आला, राज्य घडविण्यात कोणी योगदान दिले, याबद्दल माहिती दिली; तर कश्यप तांबे या नववीतील विद्यार्थ्याने महाराष्ट्र राज्याबद्दल माहिती सांगितली. शिक्षकांनी ‘जय जय महाराष्ट्र माझा, गर्जा महाराष्ट्र माझा’ हे गीत गायले. शाळेतील विद्यार्थी, पालक, शिक्षक मोठ्या संख्येने उपस्थित होते. कार्यक्रमाचे सूत्रसंचालन शिक्षिका भावना वैती यांनी केले.