भिवंडी, ता. २ (बातमीदार) : लोकसभा मतदारसंघातून महाविकास आघाडीचे उमेदवार सुरेश गोपीनाथ म्हात्रे ऊर्फ बाळा मामा यांनी गुरुवारी उमेदवारी अर्ज दाखल केला. यावेळी शहरातील छत्रपती शिवाजी महाराजांच्या पुतळ्यास पुष्पहार अर्पण करून रॅली काढण्यात आली. या रॅलीत राष्ट्रवादीचे आमदार जितेंद्र आव्हाड, भिवंडी पूर्वचे आमदार रईस शेख, काँग्रेस ग्रामीणचे जिल्हाध्यक्ष दयानंद चोरघे, आरपीआय सेक्युलर पक्षाचे प्रदेश चिटणीस अॅड. किरण चन्ने, उद्धव ठाकरे गटाचे शहराध्यक्ष रूपेश म्हात्रे, राष्ट्रवादी (श.प.) शहराध्यक्ष शोयब गुड्डू आदी पदाधिकारी उपस्थित होते.