ढिंग टांग : गर्रर्र...गर्रर्र...गर्जना!

दादू : (उत्साहाने फोन फिरवत) म्यांव म्यांव...मीच बोलतोय! घरी पोचलास?

सदू : (कंटाळून) तुझ्या आधीच पोचलो की! दक्षिण मुंबईतून येताना दादर आधी लागतं, मग बांद्रा!

दादू : (प्रेमळ सुरात) जेवलास?

सदू : (आणखी कंटाळून) आल्या आल्या एकदा जेवलो थोडासा! नाही म्हटलं तरी चालून चालून दमायला झालं होतं...उन्हानं काळवंडलो!!

दादू : (गंभीरपणाने) हो ना, मेट्रो सिनेमा ते महापालिकेचं मुख्यालय यात अर्धाएक मैल तरी अंतर आहे...