‘स्विगी’कडून मतदानादिवशी खास ऑफर
पुणेकरांना आवाहन, शाई लावलेलं बोट दाखवून ५० टक्क्यांची सूट

पुणे, ता. ११ : सध्या देशभर लोकसभा निवडणुका होत असून महाराष्ट्रातही वेगवेगळ्या ठिकाणी मतदान होत आहेत. सोमवारी (ता. १३) पुण्यात मतदान होत आहे. त्यानिमित्त स्विगी डाइन आऊटने मतदारांना आकर्षित करण्यासाठी व कर्तव्य पार पाडण्यासाठी एक ऑफर आणली आहे. सोमवारी शहरात मतदान होणार आहे. त्यानिमित्त स्विगीने मोठ्या हॉटेलमध्ये मतदारांना मोठी सूट दिली आहे. मतदारांनी १३ मे रोजी बोटाला लावलेली शाई दाखवून पुणेकरांना जेवणाच्या बिलात ५० टक्क्यांची सूट मिळेल. एफिंगट बिस्ट्रो, सर्किट हाऊ, द मार्केट-द वेस्टिन, इस्काडा ऑल डे किचन अँड बार, स्काय स्टोरीज, सर्किट हाऊस अशा अनेक हॉटेल्समध्ये ही ऑफर असणार आहे.
मतदान प्रक्रियेत नागरिकांनी अधिकाधिक सक्रिय होण्यासाठी स्विगी डाइनाऊटची भूमिका आहे. या उपक्रमाबद्दल बोलताना स्विगी डाइनआऊटचे प्रमुख स्वप्नील बाजपेयी म्हणाले, ‘‘मतदान हा फक्त हक्क नाही, तर ती एक जबाबदारी आहे. नागरिकांनी यामध्ये सक्रिय होण्यासाठी स्विगी डाइनआऊटकडून ही सूट दिली आहे. त्यामुळे आम्ही पुणेकरांना मतदान करण्याचे आणि त्यानंतर तुमच्या आवडत्या हॉटेलमध्ये तुमच्या आवडत्या पदार्थांवर ताव मारण्याचे आवाहन करत आहोत. तसेच नागरिक त्यांच्या अधिकाराचा वापर करून देशाचे भविष्य घडवण्यात सहभाग घेतील, असा विश्वासही त्यांनी व्यक्त केला. पुणे आत मतदानासाठी तयार आहे. स्विगी डाइनआऊट नागरिकांना मतदान आणि बाहेर जेवण अशा दोन्ही गोष्टींचा आनंद घेण्याचे आमंत्रण देत असल्याचे सांगत आपला आवाज दूरवर पोहोचेल, याची तजवीज करू या आणि सक्रिय समाज घडवूया, असे आवाहनही त्यांनी केले आहे.