नवी मुंबई, ता. ११ (वार्ताहर) : पडघा गावात राहणारा १७ वर्षीय गतिमंद मुलगा बुधवारी (ता. ८) सकाळी १० वाजण्याच्या सुमारास बेपत्ता झाल्याची घटना उघडकीस आली आहे. कार्तिक नामदेव राठोड (वय १७) असे त्याचे नाव आहे. तळोजा पोलिस ठाण्यात अपहरणाचा गुन्हा दाखल करण्यात आला आहे. पोलिस त्याचा शोध घेत आहेत. कार्तिक रात्री उशिरापर्यंत घरी न परतल्याने त्याच्या आई-वडिलांनी त्याचा सर्वत्र शोध घेतला. मात्र, तो कुठेच सापडला नाही. त्यामुळे त्याचे वडील नामदेव राठोड यांनी दुसऱ्या दिवशी तळोजा पोलिस ठाण्यात तक्रार दिली.