पावसामुळे रस्ते वाहतुकीचा वेग मंदावला  

मुंबई, ता. १३ : मुंबईत आज सायंकाळी वादळी पावसाने हजेरी लावली. या पावसामुळे सायंकाळी अनेक ठिकाणी वाहनांत झालेल्या बिघाडामुळे रस्ते वाहतुकीवर परिणाम झाला. यामुळे शहर आणि उपनगरांत मोठ्या प्रमाणावर वाहतूक कोंडी झाली.
सायंकाळी चारच्या सुमारास अचानक वादळी पाऊस सुरू झाला. तसेच ढगाळ वातावरणामुळे अनेकांनी घरचा रस्ता धरला. एकाच वेळी अनेक गाड्या रस्त्यांवर आल्यामुळे विविध मार्गांवर रस्ते वाहतूक ठप्प झाली. पूर्व मुक्त मार्ग, पश्चिम द्रुतगती मार्ग आणि पश्चिम द्रुतगती मार्गावर वाहतूक कोंडी झाली होती. तसेच टेम्पोच्या बिघाडामुळे बी. ए. रोड भायखळा येथील उत्तरेकडे जाणारी वाहतूक संथ झाली. अपघातामुळे फ्री-वे बोगदा ट्रॉम्बे येथे दक्षिणेकडे जाणारी वाहतूक आणि होर्डिंग पडल्यामुळे पूजा जंक्शन वडाळा येथे उत्तरेकडे जाणाऱ्या वाहतुकीला फटका बसला. होर्डिंग पडल्यामुळे कामराजनगर उत्तरेकडे जाणारी वाहतूक ठप्प झाली होती. 
...
विमानसेवा तासभर ठप्प 
मुंबईतील खराब हवामान आणि धुळीच्या वादळांमुळे छत्रपती शिवाजी महाराज आंतरराष्ट्रीय विमानतळावर कमी दृश्यमानता आणि सोसाट्याचा वारा यामुळे सुमारे ६६ मिनिटांसाठी विमानसेवा स्थगित करण्यात आली होती. सायंकाळी पाच वाजता वाहतूक पूर्ववत करण्यात आली. यावेळी १५ विमाने वळविण्यात आली. विमानतळ प्रशासनाने गेल्या आठवड्यात मान्सूनपूर्व धावपट्टीची देखभाल यशस्वीरीत्या पूर्ण केली. त्याचा उपयोग झाला, अशी माहिती विमानतळ प्रशासनाने दिली.