पावसाच्या अंदाजाचे सभांवर सावट
सकाळ न्यूज नेटवर्क
मुंबई, ता. १३ : अचानक आलेला पाऊस आणि पुढचे दोन दिवस वर्तवण्यात आलेला पावसाचा अंदाज या पार्श्वभूमीवर मुंबईत आयोजित करण्यात होणाऱ्या सभांबद्दल फेरविचार करण्याची वेळ राजकीय पक्षांवर आली आहे. १५ मे रोजी पंतप्रधान नरेंद्र मोदी यांचा रोड शो मुंबईत नियोजित आहे. तसेच १७ मे रोजी मुंबईतील प्रचाराच्या समारोपाच्या दिवशी महायुती आणि मविआची सभा नियोजित आहे. या सभांवर सावट पडणार काय की तंबू उभारून सभा घ्यावी लागणार, याबद्दल विचार सुरू आहे. उद्या वातावरणातील बदल तसेच अंदाज लक्षात घेत निर्णय घेतला जाणार आहे. विशेष सुरक्षा दल याबद्दल परवानगी देईल काय याचाही विचार करणे अपरिहार्य ठरणार आहे, असे भाजपतील सूत्रांनी सांगितले.