ठाणे, ता. २१ (बातमीदार) : सुप्रसिद्ध दिग्दर्शक व लेखक कुमार सोहोनी यांनी लिहिलेल्या ''सखे सोबती'' या त्यांच्या आत्मचरित्राचे प्रकाशन सोहळ्याचे आयोजन करण्यात आले असून चित्रपट व नाट्य क्षेत्रातील दिग्गज तारे-तारका या वेळी उपस्थित राहणार आहेत. कृष्णा प्रकाशनतर्फे पुस्तक प्रकाशित होणार आहे. या प्रकाशन सोहळ्यात सुप्रसिद्ध अभिनेते मोहन जोशी, सुप्रसिद्ध अभिनेत्री अलका कुबल-आठल्ये, ज्येष्ठ अभिनेते अरुण नलावडे आणि सुप्रसिद्ध दिग्दर्शक, लेखक व अभिनेते अभिराम भडकमकर हे उपस्थित राहणार आहेत. तसेच यावेळी सखेसोबती या पुस्तकावर आधारित अभिवाचन होणार आहे. त्यात सुनील गोडसे, नीना शेटे, सुरभी भावे, श्रद्धा पोखरकर व प्रियांका तेंडोलकर हे सहभागी होणार आहेत.‌ हा कार्यक्रम सर्वांसाठी विनामूल्य असून शनिवारी (ता. २५) सायंकाळी सहा वाजता मराठी ग्रंथसंग्रहालयाच्या वा. अ. रेगे सभागृहात होणार आहे.