भिवंडी, ता. २१ (बातमीदार) : मतदान केंद्रात मतदान करताना व्हिडीओ शूटिंग करणाऱ्या महिलेवर केंद्रप्रमुखाने हरकत घेतल्यानंतर झालेल्या गोंधळामुळे कामात व्यत्यय आणल्याप्रकरणी कोनगाव पोलिस ठाण्यात गुन्हा दाखल करण्यात आला आहे.
भिवंडी ग्रामीण मतदारसंघाअंतर्गत गोवे गावातील जिल्हा परिषद शाळा मतदान केंद्र ३०६, खोली क्रमांक १ या ठिकाणी निवडणूक आयोगाच्या आदेशाने लोकसेवक म्हणून मतदान प्रक्रियेचे कर्तव्य करीत होते. या केंद्रावर मतदार नीलम कनोजिया(३९) या महिलेने मतदान करताना मोबाईलद्वारे शूटिंग केली होती. या प्रकारास केंद्रप्रमुख कुलदीप गुप्ता यांनी हरकत घेतल्याने आरडाओरड करणाऱ्या महिलेला पोलिसांनी नोटीस बजावली आहे.