विक्रमगड (बातमीदार) : जिजाऊ शैक्षणिक व सामाजिक संस्थेच्या विद्यार्थ्याने यूपीएससी परीक्षेत यश मिळवत सहायक सिव्हिल अभियंता बनला आहे. संस्थापक नीलेश सांबरे यांच्या संकल्पनेतून कोकणातील ग्रामीण भागातील विद्यार्थ्यांसाठी जिजाऊ अकादमी सुरू केली आहे. संपूर्ण कोकणामध्ये ४५ ठिकाणी स्पर्धा परीक्षा वाचनालय सुरू आहेत. या वाचनालयाच्या माध्यमातून आतापर्यंत हजारो विद्यार्थी अधिकारी घडले आहेत. आताच आलेल्या निकालामध्ये जिजाऊ झाडपोली येथील विद्यार्थी विशाल विष्णू भरसट यांची अनुसूचित जमाती वर्गवारीतून पहिला क्रमांक मिळवत सहायक अभियंतापदी निवड झाली आहे. हे यश मिळव्याबद्दल नीलेश सांबरे आणि संपूर्ण जिजाऊ परिवाराने विशाल यांचे अभिनंदन केले आहे.