ठाणे, (वार्ताहर) : पिंपळपाडा सिव्हिल हॉस्पिटलसमोर असलेल्या नर्सिंग ट्रेनिंग कॉलेज व गर्ल्स हॉस्टेलची जुनी सरकारी इमारत पाडताना या इमारतीचा काही भाग कोसळल्याची घटना रविवारी घडली. या इमारतीचा काही भाग संरक्षक भिंत रस्त्यावर पडला. रविवारी (ता.२) दुपारी १२ वाजण्याच्या सुमारास ही घटना घडली. यामध्ये कोणीही जखमी झाले नाही. ठाणे सिव्हिल रुग्णालयाच्या नूतनीकरणाचे काम सुरू आहे. त्यातच या इमारतीचे पाडकाम सुरू आहे. यामध्ये १५ ते २० फूट संरक्षक भिंत रस्त्यावर कोसळली. याठिकाणी सुरक्षेच्या कारणास्तव रस्ता बंद करून हे इमारत पाडण्याचे काम करण्यात येत होते. त्यामुळे या घटनेत कोणालाही दुखापत झाली नसल्याची माहिती पालिका आपत्ती व्यवस्थापन विभागाने दिली.