विद्यार्थी गुणगौरव, करिअर मार्गदर्शन
घाटकोपर, ता. ३ (बातमीदार) ः हिंदू नववर्ष स्वागतयात्रा कुर्ला (प.) तर्फे दहावी, बारावीच्या विद्यार्थ्यांसाठी करिअर मार्गदर्शन आणि गुणगौरव कार्यक्रम झुलेलाल मंदिर, न्यू मिल रोड कुर्ला (प.) येथे संपन्न झाला. अजिता नायर एज्युकेशन ट्रस्टचे राहुल नायर, चंदन गुप्ता यांनी विद्यार्थ्यांना मार्गदर्शन केले.
अभिषेक साळवी यांनी कार्यक्रमाचे प्रास्ताविक केले. राहुल नायर यांनी विद्यार्थ्यांना करिअरमधील विविध संधी यावर मार्गदर्शन केले. विद्यार्थ्यांनी आपली आवड जपून माहिती घेऊन योग्य ते करिअर निवडले पाहिजे, असे त्यांनी सांगितले. चंदन गुप्ता यांनी नेहमी सकारात्मक दृष्टिकोन ठेवून आयुष्यात चिकाटी न सोडता पुढे गेले पाहिजे, यासंबंधी मार्गदर्शन केले.
कुर्ल्यातील एमपीएससी उत्तीर्ण विद्यार्थी अक्षय तानाजी जाधव यांचादेखील सत्कार करण्यात आला. सर्व विद्यार्थ्यांना प्रशस्तिपत्र, मोहनजी भागवत यांचे ‘भविष्यातील भारत’ हे पुस्तक भेट देऊन त्यांचा गौरव करण्यात आला.