११ रेल्वे कर्मचाऱ्यांना महाव्यवस्थापक संरक्षा पुरस्कार
सकाळ वृत्तसेवा
मुंबई, ता. ६ : रेल्वे कर्मचारी कर्तव्यावर असताना सतर्कता बाळगून अनुचित घटना टाळणाऱ्या मध्य रेल्वेच्या ११ कर्मचाऱ्यांचा महाव्यवस्थापकांकडून गौरव करण्यात आला. मध्य रेल्वेच्या मुंबई विभागातील दोन, भुसावळ विभागातील चार, नागपूर विभागातील दोन, पुणे विभागातील दोन आणि सोलापूर विभागातील एक अशा एकूण ११ रेल्वे कर्मचाऱ्यांना ‘महाव्यवस्थापक संरक्षा पुरस्कार’ देण्यात आला आहे.

सीएसएमटी येथे बुधवारी (ता. ५) आयोजित कार्यक्रमात प्रसंगावधान दाखवून योग्य कामगिरी करणाऱ्या ‘महाव्यवस्थापक संरक्षा पुरस्कार’ प्रदान केला. या पुरस्कारामध्ये प्रमाणपत्र, अनुकरणीय सुरक्षा कार्याचे प्रशस्तिपत्रक आणि दोन हजार रुपये रोख असे पुरस्काराचे स्वरूप होते. मध्य रेल्वेच्या महाव्यस्थापकांनी कर्मचाऱ्यांच्या सतर्कतेचे कौतुक केले. महाव्यस्थापकांकडून मुंबई विभागातील कुर्ला कारशेडचे विभाग अभियंता गौतम कुमार आणि चंद्रशेखर, भुसावळ विभागातील टेक्निशियन खुशाल दत्तुजी, भावना अमोल गजभिये, ट्रॅक मेंटेनर संदीप शामराव वानखेडे, कीमन/इंजिनिअरिंग सिद्धार्थ तायडे, नागपूर विभागातील टेक्निशियन-२ शिवदयाळ देवराव कापसे, सहायक लोको पायलट शिवेश के. मीणा, पुणे विभागातील ट्रॅक मेंटेनर कप्तान सिंह, सहायक स्टेशन मॅनेजर अजयकुमार मोडक आणि सोलापूर विभागातील ट्रॅक मेंटेनर, संतोष गाडेप्पा खंदारे यांना महाव्यवस्थापक संरक्षा पुरस्कार देऊन गौरविण्यात आले आहे.