ठाण्यात तीन तासांत १७.८८ पावसाची नोंद
सकाळ वृत्तसेवा
ठाणे, ता. ८ : शनिवारी पहाटेच्या सुमारास ठाणे शहरात पावसाने दमदार हजेरी लावली. अवघ्या तीन तासांत १७.८८ मिमी पावसाची नोंद झाली. त्यानंतर पावसाने दडी मारल्याने दिवसभर गरमीने ठाणेकर हैराण झाले होते.
शहरात कुठेही वित्तहानी किंवा जीवितहानी झाली नसल्याचेही ठाणे महापालिका आपत्ती व्यवस्थापन कक्षाच्या अधिकाऱ्यांनी बोलताना सांगितले. शनिवारी पहाटे साडेतीन वाजण्याच्या सुमारास सुरुवात झालेल्या पावसाची पहिल्या एक तासात ०७.३३ मिमी नोंद झाली. तर, दुसऱ्या एक तासात १०.३६ मिमी तसेच त्याच्या पुढील तासाभरात अवघ्या ००.२९ मिमी पावसाची नोंद झाली. तर, आतापर्यंत २५.०५ इतका पाऊस ठाण्यात झाल्‍याचे आपत्ती व्यवस्थापन कक्षाने सांगितले.