वाडा, ता. ९ (बातमीदार) : तालुक्यातील विविध परिसरात पावसाने शविवारी (ता. ८) रात्री हजेरी लावली असून वातावरणातही गारवा निर्माण झाला आहे. दरम्यान, शेतकरी राजा सुखावला असून तो लवकरच आपल्या शेतीच्या कामाला सुरुवात करेल, असे दिसून येत आहे. शनिवारी रात्री जोरदार पाऊस कोसळला असून उन्हाच्या काहिलीने त्रस्त झालेल्या नागरिकांना दिलासा मिळाला आहे. वातावरणातही गारवा निर्माण झाला आहे. जूनच्या पहिल्या आठवड्यात पाऊस पडतो, त्याप्रमाणे वाड्यात जोरदार आगमन झाले. आज (ता. ९) संपूर्ण दिवस ढगाळ वातावरण असून उशिरा पाऊस पुन्हा पडण्याची चिन्हे दिसून येत होती.