ट्रस्टचा वर्धापन दिन
प्रभादेवी, ता. ९ (बातमीदार) : दादर येथील सानेगुरुजी रुग्ण सहाय्य ट्रस्ट या प्रकाश मोहाडीकर यांनी २००२ मध्ये स्थापन केलेल्या सेवाभावी संस्थेचा बावीसावा वर्धापन दिन दादरमध्ये प्रेरणा दिन म्हणून साजरा करण्यात येणार आहे. बुधवारी (ता. १२) सायंकाळी पाच वाजता सानेगुरुजी विद्यालय पहिला मजला हॉल या ठिकाणी कार्यक्रम घेण्यात येणार आहे. यावेळी वैद्यकीय तज्‍ज्ञ व ‘ग्रंथ तुमच्या दारी’चे समन्वयक डॉ. महेश अभ्यंकर, मुंबई दूरदर्शनच्या सहायक अधिकारी (कार्यक्रम) उमा दीक्षित प्रमुख अतिथी म्‍हणून उपस्‍थित राहणार आहेत. त्याचबरोबर साने गुरुजी विद्यालयातील माजी विद्यार्थिनी डॉ. शमा तोडणकर यांचीही उपस्‍थिती असेल.