मॉर्निंग वॉकला जाताय, जपून!
अपघात टाळण्यासाठी रस्ते वाहतूक बदल
सकाळ वृत्तसेवा
मुंबई, ता. ११ : मॉर्निंग वॉक, जॉगींग करताना लहान मोठे अपघात होतात. हे अपघात टाळण्यासाठी वाहतूक पोलिसांनी रस्ते वाहतुकीत बदल केला आहे.
ऐरोली जंक्शन ते घाटकोपर, पंतनगरपर्यंत दक्षिण वाहिनीवरील सर्व्हिस रोडवर पहाटे ५ ते ७.३० वाजताच्या दरम्यान आसपासच्या परिसरातील लोक मॉर्निंग वॉक, जॉगींगसाठी मोठ्या संख्येने येत असतात. त्याच कालावधीमध्ये सेवा मार्गावरून वाहनांचीही वाहतूक होत असते. त्यामुळे सदर सेवा मार्गावर लहान मोठे अपघात होण्याची शक्यता आहे. त्यामुळे ऐरोली जंक्शन ते पंतनगरपर्यंतच्या पूर्व द्रुतगती महामार्गावर दक्षिण वाहिनीवरील सर्व्हिस रोडवरील वाहतुकीत बदल करण्यात आले आहेत. वाहतूक नियमनाकरिता हे आदेश ३१ मे २०२५ पर्यंत लागू राहतील, असे वाहतूक विभागाने सांगितले.

रस्ता वाहतुकीसाठी बंद
ऐरोली जंक्शन ते घाटकोपर, पंतनगरपर्यंत पूर्व द्रुतगती महामार्गाचे दक्षिण वाहिनीवरील सर्व्हिस रोड हा पहाटे ५ ते ७.३० वाजेपर्यंत सर्व प्रकारच्या वाहनांसाठी वाहतुकीकरिता बंद राहील.
----
पर्यायी मार्ग
सदर कालावधीदरम्यान सर्व प्रकारची वाहने सर्व्हिस रोडऐवजी मुख्य मार्गावरून वाहतूक करतील.