पालघर, ता. ११ (बातमीदार)ः पालघर जिल्ह्यातील विविध तालुक्यांमधून चोरीला गेलेल्या ३० दुचाकी जप्त करण्यात तलासरी पोलिसांना यश आले आहे. या प्रकरणी तिघांना अटक करण्यात आली आहे.
तलासरी पोलिस ठाण्याचे कार्यक्षेत्रात काही महिन्यांपासून दुचाकी चोरीचे गुन्हे सातत्याने होत आहेत. हा परिसर गुजरात राज्य व दादरा नगर हवेली केंद्रशासित प्रदेश राज्याची हद्द असल्याने दुचाकी चोरीचे प्रमाण वाढल्याचे दिसत होते. त्यामुळे पोलिसांनी गुप्त बातमीदाराकडून माहिती मिळवत दादरा नगर हवेली पोलिस हद्दीमधील उंबरगावचा शशिकांत जयसिंग पटेल बोरी याला अटक केली होती. तसेच त्याचे साथीदार अमर धोडी, प्रथमेश नारगोलकरलाही अटक केली आहे. त्यांच्याकडून सतरा दुचाकी जप्त केल्या आहेत; तर रानविहीर शहापूर येथून सात दुचाकी जप्त केल्या आहेत.