अमली पदार्थ विरोधी जनजागृती
घाटकोपर, ता. २३ (बातमीदार) ः आंतरराष्ट्रीय अमली पदार्थ विरोधी दिनानिमित्त जनजागृती पंधरवडा राबवण्यात येत असून मुंबई पोलिस गुन्हे शाखेच्या अमली पदार्थ विरोधी कक्ष, घाटकोपर युनीटच्या वतीने ड्रग्स विरोधी जनजागृती कार्यक्रम आयोजित केला होता. चेंबूर येथील नालंदा एज्युकेशन फाऊंडेशनचे डॉ. बाबासाहेब आंबेडकर डिग्री कॉलेजमधील विद्यार्थ्यांना ड्रग्सचे दुष्परिणाम व त्यापासून दूर राहण्याबाबत मार्गदर्शन करण्यात आले. या कार्यक्रमाला नालंदा एज्युकेशन फाऊंडेशनचे संस्थापक अध्यक्ष चंद्रकांत हंडोरे, नगरसेविका संगीता हंडोरे, संस्थेच्या सचिव सोनल शेंडकर, प्रा. नितीन कदम, प्रा. विनोद गाडे, अमली पदार्थ विरोधी कक्ष, घाटकोपर युनीटचे अधिकारी व स्टाफ यांचे सहकार्य लाभले, असे एनएनएस कार्यक्रम अधिकारी प्रा. दिपीका फुलवाडीया यांनी सांगितले.