मुंबई, ता. २ ः मुंबईत पालिकेने अनधिकृत फेरीवाल्यांवरील कारवाईचा धडाका सुरू केला आहे. याच अनुषंगाने मंगळवारी मालाड परिसर, मथुरादास मार्ग, घाटकोपर, उच्च न्यायालय, कुर्ला, सीएसएमटी सबवे, दहिसर, कुलाबा, चर्चगेट सबवे, दादर या परिसरात कारवाई करण्यात आली.
मुंबईत पदपथांवरील अनधिकृत फेरीवाले तसेच इतर अतिक्रमणामुळे पादचाऱ्यांना अडचणींचा सामना करावा लागतो. गर्दीच्या रेल्वे स्थानक परिसरात अनधिकृत फेरीवाल्यांनी पदपथ, रस्ते अडवून ठेवल्याने प्रवाशांना कसरत करून चालावे लागते. त्यामुळे पालिकेच्या वतीने अनधिकृत फेरीवाले व पदपथांवरील अतिक्रमणे यावर केली जाणारी कारवाई अधिक तीव्र करण्याची सूचना उच्च न्यायालयाने केली आहे. त्यानुसार, गेल्या पाच-सहा दिवसांत सहाशेहून अधिक फेरीवाल्यांवर कारवाईचा बडगा उगारण्यात आला.