घरकाम करणाऱ्या मुलांचा अंधेरीत सत्कार
मालाड (बातमीदार) ः मुलांनी चांगला अभ्यास करून पुढे गेले पाहिजे. आपल्या आई-वडिलांची काळजी घेतली पाहिजे, जेणेकरून त्यांनाही त्यांच्या मेहनतीचे फळ मिळेल, असे आवाहन अंधेरीच्या तहसीलदार स्नेहलता स्वामी यांनी अंधेरी गिल्बर्ट हिल येथे झालेल्‍या घरकाम करणाऱ्या मुलांच्या सत्‍कार कार्यक्रमात केले. आम्ही एकता वेल्फेअर शेजार समिती सहकारी संस्थेचे अध्यक्ष बबन्ना कुशलकर यांनी गिल्बर्ट येथील समाजकल्याण केंद्रात दहावी, बारावीमध्ये ७५ टक्क्यांहून अधिक गुण मिळविलेल्या घरकामगारांच्या मुलांचा सत्कार समारंभ आयोजित केला होता. यावेळी गुन्हे शाखेचे विजय धोत्रे, यागिनी परमार, वसीमा काझी, अरुणा वाघ, स्वाती दामापूरकर, संजय यादव, लक्ष्मी महाडिक, राजू धोत्रे, चंदू वडर, प्रकाश देवदास आदींनी मार्गदर्शन केले.