दादर-हुबळी, पुणे-जयपूर
एक्स्प्रेसच्या संरचनेत बदल
सकाळ वृत्तसेवा
मुंबई, ता. ३ : मध्य रेल्वेने दादर-हुबळी एक्स्प्रेस आणि पुणे-जयपूर एक्स्प्रेसची संरचना बदलण्याचा निर्णय घेतला आहे. यात ट्रेन क्रमांक १७३१८ दादर-हुबळी एक्स्प्रेसमध्ये ३ जुलैपासून दादर येथून, तर ट्रेन क्रमांक १७३१७ हुबळी-दादर एक्स्प्रेसमध्ये ४ जुलैपासून हुबळी येथून संरचनेत बदल करण्यात येणार आहे.

नव्‍या संरचनेत एक वातानुकूलित-द्वितीय, एक वातानुकूलित-तृतीय, सात शयनयान, सहा सामान्य द्वितीय श्रेणीसह दोन गार्ड्‌स ब्रेक व्हॅनचा (१५ कोच) समावेश आहे. यासोबत ट्रेन क्रमांक १२९३९ पुणे-जयपूर एक्स्प्रेसमध्ये २ नोव्हेंबरपासून पुणे येथून; तर ट्रेन क्रमांक १२९४० जयपूर-पुणे एक्स्प्रेसमध्ये ३ नोव्हेंबरपासून जयपूर येथून संरचना बदलण्यात येणार आहे. यामध्ये एक प्रथमसह द्वितीय वातानुकूलित, दोन द्वितीय वातानुकूलित, चार तृतीय वातानुकूलित, दोन तृतीय इकॉनॉमी वातानुकूलित, पाच शयनयान, सहा सामान्य द्वितीय श्रेणीसह दोन गार्ड्‌स ब्रेक व्हॅनचा (२० कोच) समावेश आहे.