चेंबूरमध्ये डॉक्टर दिन उत्साहात साजरा
चेंबूर ता. ४ (बातमीदार) ः सर्व रुग्णांना आजारातून बरे करण्यासाठी सदैव कार्यतत्पर असणाऱ्या डॉक्टरांप्रती कृतज्ञता व्यक्‍त करण्यासाठी शताब्‍दी रुग्‍णालयात डॉक्‍टर दिन उत्‍साहात साजरा करण्यात आला. राजेंद्र नगराळे यांच्या संकल्पनेतून सालाबादप्रमाणे तुळशी वृंदावन देऊन डॉक्टरांना सन्मानित करण्यात आले. याप्रसंगी शताब्दी रुग्णालयाचे प्रमुख वैद्यकीय अधिकारी डॉ. सुनील पाकळे, डी. अडांगळे व अन्य डॉक्‍टरांचा तुलसी वृंदावन देऊन सत्‍कार करण्यात आला. यावेळी समाजसेविका मीनाक्षी देशमुख, अशोक ठाकरे, रमेश सिंग आदींची उपस्‍थिती होती.