मुंबई ः पालिकेच्या अतिक्रमण निर्मूलन पथकांकडून मुंबईत १,१८६ हातगाड्या, १,८३९ सिलिंडर आणि २,४१० इतर साहित्य असे पाच हजारांहून अधिक साधनसामुग्री जप्त करण्यात आली आहे. ‘फेरीवालामुक्त परिसर’ मोहिमेअंतर्गत ही कारवाई सुरू आहे. अनधिकृत फेरीवाल्यांविरोधात पालिकेने कारवाईचा धडाका सुरूच ठेवला आहे. १८ जून ते ४ जुलै या १७ दिवसांत विविध ठिकाणी झालेल्या कारवाईत फेरीवाल्यांकडून सुमारे पाच हजार ४३५ साधनसामुग्री जप्त करण्यात आली आहे. त्यात एक हजार १८६ चारचाकी हातगाड्या, एक हजार ८३९ घरगुती गॅस सिलिंडर आणि दोन हजार ४१० इतर साहित्याचा समावेश आहे.