रोटरीतर्फे नायर रुग्णालयात राष्ट्रीय डॉक्टर दिवस
मुंबई, ता. ६ : बा. य. ल. नायर धर्मादाय रुग्णालय, मुंबई सेंट्रल येथे रोटरी क्लब ऑफ बॉम्बे बे व्यूव्ह व वैद्यकीय समाज सेवा विभागातर्फे सोमवारी (ता.१) ''राष्ट्रीय डॉक्टर दिवस'' साजरा करण्यात आला.
रोटरी क्लब ऑफ बॉम्बे बे व्यूव्हच्या प्रेसिडेंट रजनी बरासिया यांच्या संकल्पनेतून रुग्णसेवेमध्ये अविरतपणे कार्य बजावणाऱ्या नायर रुग्णालयातील सर्व विभागप्रमुखांना गौरविण्यात आले. यावेळी बरासिया व त्यांच्यासह इतर पदाधिकाऱ्यांनीही रुग्णसेवा करणाऱ्यांविषयी कौतुक केले.
कार्यक्रमप्रसंगी अधिष्ठाता डॉ. सुधीर मेढेकर यांनी भारतात भारतामध्ये लोकसंख्येच्या मानाने डॉक्टरांची संख्या खूप कमी असल्याची खंत व्यक्त केली. त्यामुळेच रुग्णसेवेमधे डॉक्टरांची भूमिका फार महत्वाची असल्याचे त्यांनी सांगितले. वैदयकीय समाज सेवा विभागप्रमुख डॉ. अंजली परांडे यांनी कार्यक्रमाचे प्रास्ताविक केले. कार्यक्रमाचे सूत्रसंचालन समाज विकास अधिकारी स्मिता मंडपमाळवी यांनी केले.

MUM२४E५७६३५