ग्रामीण भागातील विद्यार्थ्यांना शालेय साहित्याचे वाटप

घाटकोपर, ता. १० (बातमीदार) : समर्थ सद्गगुरू सीताराम स्वामी शेडगेबाबा या वारकरी सांप्रदायिक मंडळाच्या वतीने ग्रामीण भागातील शालेय विद्यार्थांना शैक्षणिक साहित्याचे वाटप करण्यात आले. या कार्यक्रमाचे आयोजन रविवारी (ता. ७) महाड तालुक्यातील कांगोरी किल्ल्याच्या पायथ्याशी पिंपळवाडीमध्ये करण्यात आले होते. यावेळी निगडे हायस्कूल, निगडे प्राथमिक शाळा, गोळेकोंडा, रुपोली, वांद्रेकोंडा, पिंपळवाडी, गोठवलीतील सर्व गरजू व गरीब विद्यार्थ्यांना वह्या, पुस्तके, बॅग आणि पेन-पेन्सिलचे वाटप केले गेले. गेल्या १२ वर्षांपासून दरवर्षी शालेय विद्यार्थ्यांसाठी हा उपक्रम राबविला जातो. यावेळी स्वार्थ फाऊंडेशनचे दिलीप पवार, धीरुभाई व्यास यांचे विशेष सहकार्य लाभले. कार्यक्रमाचे आयोजन शेडगेबाबा यांचे चिरंजीव हभप उमेश शेडगे, प्रकाश शेडगे, लीला दळवी यांनी केले होते.
MUM24E57974