रस्त्यावर धावणाऱ्या बाईकला आग
ठाणे, ता. ११ (वार्ताहर) : पाचपाखाडी परिसरातील साई मंदिरासमोर बुधवारी (ता. १०) दुपारी दीडच्या सुमारास रस्त्यावर धवणाऱ्या दुचाकीला अचानक आग लागली. आग लागल्याचे लक्षात येताच चालकाने त्वरित बाईक बाजूला घेऊन तो उतरल्याने चालक बचावला. दुचाकीला आग लागल्याची माहिती मिळताच आपत्ती व्यवस्थापन आणि अग्निशमन दल घटनास्थळी दाखल झाले. त्यांनी आगीवर नियंत्रण आणले. सागर आणि अशोक उतेकर हे दोघे दुचाकीने ठाणे स्थानकाहून वागळे स्टेट सावरकर नगर इकडे निघाले होते. या वेळी रस्त्यात पाचपाखडी, साईबाबा मंदिरासमोर दुचाकीला आग लागली. सागर याला आग लागल्याचे कळताच त्यांने दुचाकी बाजूला उभी केली. या घटनेत कुणीही जखमी झालेले नाही.