महिलांविषयक हक्क आणि कायदे या विषयावर शिबिराचे आयोजन

मुंबई, ता. ४ : शिवसेना उद्धव बाळासाहेब ठाकरे पक्षाची कायदेविषयक अंगीकृत संघटना ‘शिव विधी व न्याय सेने’च्या वतीने शनिवारी (ता. ५) ऑक्टोबरला नवरात्रीनिमित्त महिलांच्या सक्षमीकरणाच्या उद्देशाने ‘महिलांचे हक्क आणि त्यांची अंमलबजावणी करण्यासाठी कायदे’ या विषयावर शिबिराचे आयोजित करण्यात आले आहे. हा कार्यक्रम डॉ. अशोक मेहता सभागृहात, षण्मुखानंद हॉल, माटुंगा याठिकाणी सायंकाळी चार ते सात या वेळेत होणार आहे. या कार्यक्रमाला रश्मी उद्धव ठाकरे, माजी महापौर विशाखा राऊत, खासदार प्रियंका चतुर्वेदी, माजी महापौर किशोरी पेडणेकर, पक्षाच्या उपनेत्या प्रा. सुषमा अंधारे आणि खासदार वर्षा गायकवाड यांची मुख्य उपस्थिती असणार आहे. या कार्यक्रमाच्या अध्यक्षस्थानी संघटनेच्या उपाध्यक्ष ॲड. सुरेखा गायकवाड असणार आहेत.