कासा, ता. २२ (बातमीदार) : डहाणू आमदार विनोद निकोले यांनी पालघर जिल्ह्यातील विविध समस्यांच्या निवारणासाठी सात हजारपेक्षा अधिक शिफारस पत्रे दिली आहेत, अशी माहिती माकप पालघर जिल्हा सचिव किरण गहला यांनी दिली. या वेळी डहाणू तालुका सचिव रडका कलांगडा, किसान सभा कार्याध्यक्ष चंद्रकांत गोरखाना उपस्थित होते.

आमदार विनोद निकोले यांनी आपल्या कार्यकाळात शिक्षण, आरोग्य, रोजगार, नागरी सुविधा आणि आदिवासी समाजाच्या प्रश्नांवर विशेष लक्ष केंद्रित करून, जनतेच्या अडचणी सोडविण्याचा सतत प्रयत्न केला आहे. त्यांनी जिल्ह्यातील अनेक नागरिकांना शासकीय योजनांचा लाभ मिळवून देण्यासाठी शिफारस पत्रे दिली असून, त्यांच्या या कामगिरीमुळे जिल्ह्यातील विकासकार्यांना गती मिळाली आहे. आमदार निकोले यांच्या या पुढाकारामुळे प्रशासनाशी संवाद साधणे सोपे झाले असून, त्यांच्या प्रयत्नांमुळे जनतेच्या समस्यांचे निराकरण करण्यात मोठी मदत झाली आहे, असे सांगण्यात आले.