वाडा (बातमीदार)ः तालुक्यातील खैरे गावाजवळच्या जंगलात सडलेल्या अवस्थेत एका महिलेचा मृतदेह सापडला आहे. या महिलेची ओळख पटवण्याचे काम पोलिसांकडून सुरू आहे. खैरै गावाजवळच्या जंगलात सोमवारी सांयकाळी एका महिलेचा मृतदेह असल्याची माहिती स्थानिक शेतकऱ्यांमार्फत पोलिस पाटलांना दिली गेली होती. त्यानुसार वाडा पोलिस ठाण्यातील पोलिसांच्या पथकाने घटनास्थळावरून महिलेचा मृतदेह ताब्यात घेतला. सडलेल्या अवस्थेत हा मृतदेह असल्याने कोणत्या वयोगटातील महिला आहे, हे समजू शकलेले नाही.