मतदानाबाबत अनोख्या पद्धतीने जनजागृती
अंबरनाथ, ता. १९ (बातमीदार) ः विधानसभा निवडणुकीच्या पार्श्वभूमीवर पोद्दार इंटरनॅशनल स्कूल येथे शाळेच्या विद्यार्थ्यांना मैदानात उभे करून ‘उत्सव निवडणुकीचा अभियान महाराष्ट्राचा, मतदान करू महाराष्ट्र घडवू’ची प्रतिकृती तयार करत अनोख्या पद्धतीने मतदानाबाबत जनजागृती केली. बुधवारी होणाऱ्या विधानसभा निवडणुकीत मतदानाची टक्केवारी वाढावी, यासाठी स्वीप कार्यक्रमांतर्गत पोद्दार इंटरनॅशनल विद्यार्थ्यांनी ‘उत्सव निवडणुकीचा अभिमान महाराष्ट्राचा, मतदान करू महाराष्ट्र घडवू’ असा संदेश यानिमिताने दिला. गटशिक्षणाधिकारी आर. डी. जतकर यांच्या मार्गदर्शनाखाली शाळेतील शिक्षकांच्या नेतृत्वाखाली हा उपक्रम राबवला.