पालघर, ता. २४ (बातमीदार) : संविधान अमृत महोत्सवानिमित्त बोईसर सर्कस मैदान येथे मंगळवारी (ता. २६) कार्यक्रम आयोजित केला आहे. संध्याकाळी सहा वाजता प्रबोधन सभा होणार असून या कार्यक्रमाचे उद्‍घाटन पालघर पोलिस अधीक्षक बाळासाहेब पाटील यांच्या हस्ते होणार आहे. या कार्यक्रमाला मोठ्या संख्येने नागरिकांनी उपस्थित राहावे, असे आवाहन संविधान सन्मान समितीने केले आहे.

डॉ. बाबासाहेब आंबेडकर चौक येथून दुपारी साडेचार वाजता संविधान रॅलीची सुरुवात होणार आहे. नवापूर नाका ते बोईसर रेल्वे स्थानक ते सर्कस मैदान येथे रॅलीची समाप्ती होईल. प्रबोधन सभेला प्रमुख मार्गदर्शक रायगड येथील वकील रोशन पाटील, प्रमुख पाहुणे निवृत्त न्यायमूर्ती मुंबई संभाजी भोळे, डॉ. अशोक कांबळे, महावितरणचे बोईसर येथील कार्यकारी अभियंता राजेश दखणे, सामाजिक कार्यकर्त्या मीना धोदडे, रमाकांत पाटील, डॉ. संतोष सागरे यांचे मार्गदर्शन होणार आहे. हा कार्यक्रम संविधान सन्मान समिती, पालघर यांनी आयोजित केला आहे. या समितीमध्ये अनेक सामाजिक संघटना सहभागी आहेत.