पल्‍मनरी आर्टिरियल हायपरटेन्शनचा धोका
१८ वर्षांवरील ६० टक्के रुग्णांना गंभीर समस्या
सकाळ वृत्तसेवा
मुंबई, ता. ३ : प्रौढांना पल्मनरी आर्टिरियल हायपरटेन्शनचा धोका अधिक वाढला असून जवळपास ६० टक्के १८ वर्षांवरील रुग्णांना गंभीर समस्यांना सामोरे जावे लागत आहे. पल्मनरी आर्टिरियल हायपरटेन्शन फुप्फुसातील धमन्‍या व हृदयाच्‍या उजव्‍या बाजूवर परिणाम करणारा दुर्मिळ व जीवघेणा आजार आहे.
पेडिएट्रिक कार्डियोलॉजिस्‍ट व पल्‍मनरी हायपरटेन्शन स्‍पेशालिस्‍ट डॉ. प्रशांत बोभाटे यांनी सांगितले की, अंदाजे ६० टक्‍के पीएएचने पीडित रुग्‍ण प्रौढ आहेत. यामध्ये बहुतांश रुग्‍णांचे वय १८ वर्षांहून अधिक आहे. या आजाराचे इंडियापॅथिक व अनुवांशिक प्रकार असलेल्‍या ग्रुप १ पीएएच केसेसमध्‍ये जवळपास ८० टक्‍के महिला आहेत, असे त्‍यांनी सांगितले.

वैद्यकीय उपचार, जीवनवशैली बदल व लवकर हस्‍तक्षेपावर लक्ष केंद्रित करणाऱ्या बहुउद्देशीय टीमची गरज असते. त्‍यामुळे वेळीच उपचार झाल्‍यास रुग्‍णाच्या जीवनाचा दर्जा सुधारेल.
- डॉ. प्रशांत बोभाटे