महापरिनिर्वाण दिनानिमित्त ६० रुपये दैनंदिन पास योजना
सकाळ वृत्तसेवा
मुंबई, ता. ३ ः महापरिनिर्वाण दिनानिमित्त चैत्यभूमीवर येणाऱ्या प्रवाशांच्या सोयीसाठी तात्पुरत्या स्वरूपात दैनंदिन ६० रुपये शुल्क आकारून पास योजना उपलब्ध करून देण्याचा निर्णय बेस्ट प्रशासनाने घेतला आहे.
बेस्ट पास योजना तसेच बेस्टने पुरवलेल्या विविध योजनांबाबत माहिती देण्यासाठी शिवाजी पार्क, वीर कोतवाल उद्यान, प्लाझा या परिसरात बसवाहक आणि बस निरीक्षक यांची नियुक्ती करण्यात येणार आहे. बुधवारी (ता. ४) मुंबईच्या विविध भागांतून चैत्यभूमीसाठी बसमार्ग क्रमांक २००, २४१, ए ३५१ आणि ३५४ या बस सोडण्यात आल्या आहेत. येत्या ६ डिसेंबरपासून शिवाजी पार्क दादर येथून बस मार्ग क्रमांक सी ३३, ए १६४, २४१, सी ३०५, ए ३५१, ३५४, ए ३५७, ए ३८५, सी ४४०, सी ५२१ या बस मार्गावर सोडण्यात येणार आहेत. आवश्यकतेनुसार बस मार्गांवर जादा बस सोडण्यात येणार असल्याची माहिती बेस्ट उपक्रमाने दिली आहे.