मनोर, ता. ११ः दुर्वेस गावाच्या हद्दीत अपघातग्रस्त ट्रेलरमधील ऑइल सांडल्याने रस्ता निसरडा झाल्याने मुंबई-अहमदाबाद महामार्गावरील वाहतूक काही काळासाठी बंद होती. बुधवारी सकाळी साडेसहाच्या सुमारास गुजरात मार्गिकेवर ही दुर्घटना झाली.
मुंबई-अहमदाबाद महामार्गावरील साये गावाच्या हद्दीत गुजरात वाहिनीवर कंटेनरची वाहतूक करणाऱ्या ट्रेलर क्रमांक (एमएच ४३ बी.पी. १३५२) सकाळी साडेसहाच्या सुमारास अपघात झाला. गुजरातच्या दिशेने जाताना अनियंत्रित झालेला ट्रेलर रस्ता दुभाजकाला धडकला. या वेळी कंटेनरमधील ऑइल मुंबई मार्गिकेवर पडल्याने रस्ता निसरडा झाला होता. त्यामुळे बराच काळासाठी वाहतूक बंद होती. अखेर अपघातग्रस्त कंटेनर क्रेनच्या सहाय्याने हटवण्यात आला तसेच माती आणि रेती टाकल्यानंतर वाहतूक पूर्ववत करण्यात आली.