‘एक भारत हम भारत’
पदयात्रेचे रविवारी आयोजन
मुंबई, ता. १३ : समाजात सातत्याने भेदभाव वाढत आहे. त्या पार्श्वभूमीवर आध्यात्मिक मार्गदर्शक मैत्रेय दादाश्रीजी यांनी भारतीयांना आपल्या सांस्कृतिक वारशाचा आणि मानवतेच्या मूळ एकतेचा शोध घेत राष्ट्रीय ऐक्यासाठी आवाहन केले.
सध्याच्या परिस्थितीची गंभीरता ओळखून, मैत्रेय दादाश्रीजींनी ‘एक भारत हम भारत’ हा उपक्रम सुरू केला. त्या माध्यमातून रविवारी (ता. १५) मुंबई, दिल्ली आणि अमृतसरमध्ये पदयात्रेचे आयोजन केले आहे. राष्ट्रीय एकतेचा संदेश देण्यासाठी या पदयात्रेत सहभागी होण्याचे आवाहन करण्यात आले आहे.