विरार (बातमीदार) : भाजपमध्ये दर तीन वर्षांनी संघटनात्मक बदल केले जातात आणि सहा वर्षांनी नवीन सदस्यत्व मोहीम राबवली जाते. या प्रक्रियेअंतर्गत गेल्या तीन महिन्यांपासून संपूर्ण देशात हे काम सुरू झाले आहे, मात्र महाराष्ट्रात विधानसभा निवडणुकीमुळे हे काम शिथिल झाले. २३ नोव्हेंबर रोजी निवडणूक निकाल जाहीर झाल्यानंतर या कामाला गती देण्याच्या सूचना केंद्रीय नेतृत्वाने भाजप महाराष्ट्राला दिल्या आहेत. या सूचनेनुसार महाराष्ट्र प्रदेशाध्यक्ष चंद्रशेखर बावनकुळे यांनी पालघरचे पालकमंत्री रवींद्र चव्हाण यांची या अभियानाचे प्रभारी म्हणून नियुक्ती केली. या प्रक्रियेअंतर्गत भाजपचे राष्ट्रीय सरचिटणीस अरुण सिंह नुकतेच वसई विरार येथे कार्यकर्त्यांना मार्गदर्शन करण्यासाठी आले होते. या बैठकीला संबोधित करताना अरुण सिंह यांनी कोरोनाच्या काळातील आठवणी सांगताना सांगितले की, या महामारीमुळे देशात हाहाकार माजला होता, त्या वेळी इतर संघटनांचे कार्यकर्ते जीव वाचवण्यासाठी घरात बसले होते, तेव्हा भाजपचे कार्यकर्ते लढत होते. भाजपचे कार्यकर्ते जीवाची पर्वा न करता लोकांची सेवा करण्यात मग्न होते, अशा कार्यकर्त्यांमुळे नरेंद्र मोदी यांनी तिसऱ्यांदा देशाचे पंतप्रधान म्हणून शपथ घेतली आणि देशसेवेचे कार्य करत आहेत.