डॉक्टर तुमच्या भेटीला रविवारी कार्यक्रम
मुंबई, ता. ७ : डॉक्टर तुमच्या भेटीला हा लोकप्रिय व पूर्ण विनामूल्य आरोग्यविषयक कार्यक्रम सुप्रसिद्ध हृदयविकारतज्ज्ञ डॉ. दयानंद कुंबळा यांच्या मार्गदर्शनाखाली रविवारी (ता. १२) सकाळी १० वाजता होणार आहे. या कार्यक्रमाचे आयोजन सकाळी १० वाजता सहयोग मंदिर हॉल, ठाणे येथे केले आहे. या मार्गदर्शन कार्यक्रमामध्ये मधुमेह व लठ्ठपणा नियंत्रण, बरियात्रिक शस्त्रक्रिया याविषयी जागतिक कीर्तीचे डॉ. प्रशांत साळवी (एमएस) हे त्याविषयी व्याख्यान देणार आहेत. या कार्यक्रमानंतर श्रोत्यांबरोबर प्रश्नोत्तरे व शंकांचे निरस केले जाणार आहे. अधिक माहितीसाठी ठाण्याच्या नीला भागवत (८७७९६२९०५२, ९९६९७८२३०३) यांच्या संपर्क साधावा, असे आवाहन आयोजकांतर्फे करण्यात आले आहे.