भाजप सहसंयोजकपदी शशिकांत कांबळे
डोंबिवली : भारतीय जनता पार्टीच्या महाराष्ट्र प्रदेश संविधान गौरव अभियान समितीवर सहसंयोजकपदी नियुक्ती करण्यात आली आहे. भाजप महाराष्ट्र प्रदेश अध्यक्ष चंद्रशेखर बावनकुळे यांनी पत्रक काढत ही घोषणा केली आहे. याआधी कल्याण लोकसभा जिल्हाध्यक्ष म्हणून शशिकांत कांबळे यांनी पक्षाची जबाबदारी सांभाळली आहे. राज्यात महायुतीचे सरकार स्थापन होताच भाजप आमदार रवींद्र चव्हाण यांचे कट्टर समर्थक समजले जाणारे कांबळे यांची नियुक्ती झाली आहे. त्यामुळे भाजपच्या कार्यकर्त्यांमध्ये आनंदाचे वातावरण आहे.