नेरूळ, ता. १८ (बातमीदार) : महाराष्ट्र ज्येष्ठ नागरिक महासंघ-फेस्कॉम मुंबई व नवी मुंबई प्रादेशिक विभागातर्फे विविध स्पर्धा घेण्यात येणार आहेत. २७ जानेवारीपासून या स्पर्धांना सुरुवात होणार आहे. फेस्कॉम अध्यक्ष डॉ. आण्णासाहेब टेकाळे यांच्या उपस्थितीत नेरूळ (प.) येथील ज्येष्ठ नागरिक भवनमध्ये या स्पर्धा आयोजित करण्यात आल्या आहेत. २७ जानेवारीला एकपात्री नाट्याभिनय, द्विपात्री नाट्याभिवाचन, कथाकथन, वक्तृत्व, समूह नृत्य व चित्रकला स्पर्धा होणार आहेत. २८ जानेवारीला कॅरम, बुद्धिबळ स्पर्धा होणार आहेत. त्यानंतर १९ फेब्रुवारीला सायन येथील डी. एस. हायस्कूल येथे संगीत स्पर्धा (गायन) होणार आहेत. स्पर्धेत भाग घेण्यासाठी २५ जानेवारीपर्यंत अर्ज करावा व जास्तीत जास्त ज्येष्ठ नागरिकांनी सहभाग घ्यावा, असे आवाहन अध्यक्ष सुरेश पोटे व स्पर्धा समितीतर्फे करण्यात आले आहे. अधिक माहितीसाठी अध्यक्ष सुरेश पोटे ९३२२४०१९६५ यांच्याशी संपर्क करावा.